21.4.09

一名港婦

剛才在gym做完運動,正悠然地享受溫水浴.......

外面傳來一陣陣叫囂聲,夾雜着腳步紛沓、長凳移動的聲音,然後聽見有人說:“快D打999!”我心頭一驚:“弊,唔通火燭?”馬上關水,準備一拉開浴簾抓起挂在外面的毛巾往身上一圍走為上着.....念頭在幾秒間已經歷了千百次轉動,想到一班圍住毛巾燕瘦環肥的男女客人渾身水滴披頭散髮沖出gym在商場裏作鳥獸散明天還不是報紙頭條?我還打好了標題:舒X堡大火 客人衣不敝體 肉洩春光 慌亂逃命”(哇,好蘋果啊個標題!)。

浴簾拉開一點後,我馬上停了手.....咦,全世界都站在那裏,看來不是火燭哦!

我伸頭出去,問站在我淋浴間前面那個女生:“請問你知唔知咩事啊?”

“噢,有個女人係sauna室度嘔完暈低!”

原來如此,我既無急救常識,又沒有八卦的興趣,而且外面看起來“人強馬壯”應該用不着我。我馬上把頭縮回去繼續我的淋浴。沖完涼步出浴室看見那女人已平躺在長凳上,還能跟站在旁邊的師奶對話,應該無大礙。

大約10分鐘後,我穿好了衣服在吹頭髮,聽到那暈婦的兩個友人的對話。

友人A:其實佢今朝已經好唔舒服,嘔得好勁!”

(嚇,仲來做gym焗sauna?)

友人B:咁佢仲來?

友人A:哎呀,佢係果D俾左幾万蚊會費嘅會員,日日都要來,用返夠本!

友人B:病左就係屋企休息下呀嘛!

友人A:.......

頂!!!!!!!!!!!!!!!!!!!!我心裏好似燒炮仗地狂爆粗,有冇搞X錯啊?!來少一日,會蝕到入骨咩?明明已經係屋企嘔到pk,死死下都要來焗sauna!結果,自己嘔到一地都係又暈低,仲要連累清潔阿姐做額外功夫!!!辛苦自己又辛苦人地,究竟咩人來架???????

打緊八號風球、十號風球就去游水、滑浪(結果下下要出動消防去救命!)。人哋國家內亂,局勢緊張,政府已經發出勸籲,都仲繼續出發去嗰度玩。明知自己嘔到七彩身體唔舒服仲要來gym焗sauna。我都要學呢位網友Xiao Zhu問一句:點解香港咁多呢啲人!!

10 則留言:

xiao zhu 說...

嗱、嗱、嗱,睇吓,我都話有好多架喇!

真係唔明呢啲人係咩構造架。

yanwei 說...

Xiao Zhu
這些人,都是一種,我。們。無。法。理。解。的。生。物。

Sebastian 說...
此留言已被作者移除。
Sebastian 說...

嗨,问声好。^_^

看完你这一博后,凸了一轮;又在另一博看到更凸的港妇!-.-'''

我要食魚翅呀......



可怕的“生物”吖。

匿名 說...

香港人最怕蝕底!情願死都唔蝕俾人,就係“港人精神”!

gypsyho 說...

甘是因為部分香港人太精明,太會搵著數,慌死泄低。我頭先都從澳門的舒適堡回來,仲濕蒸了半小時,大汗淋漓的感覺真好。對了,嫣薇,你五一會在香港嗎?因為我盡有可能會提早來。

藝術家朋友JENNY 說...

我最討厭那些打大風仲要去滑浪扮有型的pk! 呢o的人真係唔應該救!! 真係死咗都唔抵可憐!!!!!

justin.net 說...

我也差不多天天去gym。 >.<

yanwei 說...

sebastian
那個魚翅嫂,比起機場阿嫂,真是有過之而無不及啊!!!

gypsy
5月1號我已經在吉隆坡了。

Jenny
我都覺得那種人很自私!!!自己攞條命來靠飛,拒死拒賤,但分分鐘連累前來營救的消防員,累人累物!!!

justin
那麽你記得生病不好去啦,免得傳染他人!!!

安东尼刘 說...

呢种人只有一个形容词:“执着!” 非常看不开,死都要自己要的东西,无论死人lum楼都要,好得人惊。
无话系家人或情人,即使系做朋友都有排你惊,试念吓他/她死都要吃鱼翅,成个人睡在地上“扭计”,都无话吾系世界十大奇观,我一定走为上着。